ادينى قلم اكتب

ادينى قلم اكتب كلام
كان نفسى اقوله مقولتهوش
وادينى فرشاة ارسم
حياه بشرووشوش
من تانى اسف
مقدرتش اكتب
والصورة طالعة
ناقصة الرتوش
لو فرصة تانية
اقدر افرق بين البشر
وبين الوحوش

انا الشاعر

انا الشاعر

بس مش لازم همام
اتخنق من اى فوضى
اتحدفع الاحترم
والقصيدة هى اجمل
حاجة عندى
بخترع فيها الكلام
طول ما فيها ماشى عايش
هابقى موصول اللسان
مش ضرورى يصنفونا
مع وضد النظام
غيرشى بس القول دهنعمة يمتنع عنها الجبان

اجمل بيوت الشعر

امى وابويا
قالولى زمان اجمل
بيوت الشعر
بيت مافوهش جبان
وقالولى خد بالك
لو سبت لعالك
سيب لهم كلمة متخفش
من سجان
ماتسيبش شىء مايع
تحزن عليه لو بان
خلى الحصان كلمة
والكلمة تبقى حصان
توصل لاخر مدى
خلى الحقيقة تبان
عمر البشر محسوب
فان مت موت واقف
وارفض تعيشه جبان
وعشان كده مخلوق
بحب الحرف
عاشق متيم بالكلام
عرفين بحب الحرف
ليه
الحرف برعم الكلام
والكلمة هى الصولجان
الكلمة سيف
الكلمة من جند اللسان
عارفين بحب الحرف
ليه
الحرف مدخل الكلام
والكلمة فارس ف الميدان
الكلمة منطوق الادان
الكلمة امر ...والامر
كن فالخلق كان
والعمر ماشى ومهما
كان
فان عشت عيش
متكونش مرهون اللسان
وان قلت قول الحق
بالكلمة ممكن تكون عنترة
باصم بسيفه ف الميدان
الكلمة ممكن تكون
قنطرة او سكة للغربان
عارفين بحب الحرف
ليه
الحرف طفل بيان
يكبر ويكبر
يخنق ظلام الجهل
يحبى النهار ويبان
الكلمة دى معجزة
والوصف للرحمن
الصم . البكم . العمى
ومعاهم الى يخاف
من قبضة السجان
ومعاهم اللى يشوف
ساعة ضياع الحق
لكن ما لاوهش لسان
عشان كده الحرف
جنب الحرف دول
بالاساس انسان
والكلمة هى المبتدى
بالامر كن فالخلق
كان

سؤال

• سوال

تقدر تمسح دمعة ام
على طفل بيحبى
فى سكة هلاك
تقدر تزرع ضحكة لام
بتقسم ساعة الحزن معاك
تقدرتنطق كلمة حق
وتقتل لحظة خوف جواك
تقدر ترفض نص السكة
قبل الموت مستنى هناك
تقدر تملى الارض دى خضرة
وتطرح ورد بدون اشواك
تقدر تنسى حروب العالم
تقدر تضحك من جواك
تقدر تملى القلب محبة
وتحضن صحبك مهما اساك
تقدر تنكر لحظة ضعفك
وتن اديك مش طايلة ضناك
حاول يمكن
لو محاولتش تبقى جبان

تيبقى كفاية تكون انسان
كان دى سؤالى بتحداك
مانت صحيح لو سهل وتقدر
كنت قطعت الحد الفاصل
ولانسان كان يبقى ملاك

حل غير انك تكون

حل غير انك تكون

حامل رايات عصر المجون
تنسد عين الشمس بيك
او يزرعوا فيك السكون
ساكت ..تتوه
فى بلدنا فيه مليون طريق
لكن ..غريق
والموج بيحدف ع السجون
ساكت وديع
مخنوق خانق ميت سؤال
جواك ..طعون
ازاى تبيع الفجر فى عيون
العيال
وتسد باب الاحتمال
ازااااااااااااى تهون
حتى الامال
رافض تكون انت النشيد
وانت اللى زارع ارضها
علشان حفيد
ينزل يقول بلسان طليق
انا مش هاكون
حامل رايات عصر المجون
جايز تجينى سنين عجاف
لكن مخاف
ملعون ابوهم والسجون
ملعون سكوتى ف كل دين
*********************

شلقاميات موقع الشاعر مصطفى الميرى: حلمت كتير

شلقاميات موقع الشاعر مصطفى الميرى: حلمت كتير

: "��� ��� �� �������� ����"

سيدى وستى

سيدى وستى
لما كانوا يفضفضوا
ويلملموا فيض الكلام
كان سيدى يغريه الكلام
يخدوا الخيال يرجع
يجى ميت سنة
الكحة كانت تكشفوه
ستى كانت باختصار
تفرش عليه لحظة حنان
من غير ما حتى تجرحه
او تكسفوه .فتقوله نام
ولانه داء العند فيه
فيقولها من هم يومى تعرفى
فمتضربيش تحت الحزام
فتقوله لسه العقل فيك
لكن كتافك شايلة كام
الشعر شاب
لو بالكلام
ترجع شباب
فيقولها فايح شياط ريحة
الكلام .......
هو انا مش كنت زماااان
فارس وحارس فارش
الستر وامان
فتقوله كان وكان
وحاجات كتير بس الزمان
خدنا وجرى من غير كلام
ونسيب حاجات كانت وكان
مش بالكلام
قعدت تقوله كلام كتير
كان سيدى نام

يا سلام لو كان بايدى

يا سلام لو كان بايدى
كنت اضرب الحرمان
رصاصة
لاجل مالفقير يعيش
واملى وش الناس
بشاشة
وضحكة صافية ما تنتهيش
لو بايدى
اعمل الكفين سفينة
واعبر اللحظة الحزينة
واوصل النقطة الحصينة
واقتل الداء اللى فينا
يعنى تانى منططيش
لو بايدى
احضن البحر اللى حاضن
قلبه الف وميت غريق
وارسم الاحلام لبكرة
يركب الحلم الطريق
وابقى قد القول واقولك
مين عدوك مين صديقك
لو بايدى
كنت اخلى الناس حبايب
اللى جنبك واللى غايب
لو بايدى
كنت هاضرب كل فاسد
كنت اموت كل حاسد
كنت هارمى الشوف وراصد
كل خطوة ف الطريق
كنت اقول وبجد قاصد
لو بايدى
مش هاغنى نشيد بلادى
قبل ما اطيب قلبهم
امهات بتقول ولادى
خدهم البحر المعادى
مين يحاكم مين يقاضى
واللى ساكت يبقى راضى
يبلع البحر الفقير
لو بايدى
بس ايدى قد ايدك
من زمان بنقول ونسمع
ياسلام لو كان يفيدك
ازرع القمح اللى يستر
يومها بس تفك قيدك
مين يكون فى الخلق سيدك
يا سلام لو كان بايدى
كنت مش هاحلم لوحدى
كنت اقولك ع كانت
واللى كان السر فيه
انت مش مخلوق مطاطى
انت مش مولود سفيه
حتى لو مقتول بتنزف
قوم وقاوم
يعنى مش ينفع تساوم
اصل روحك تسوى ايه
وانت لو منتاش معانا
تبقى ناوىتركب البحر
اللى غاوى يبلع
الناس اللى فيه
****************

زيك عواجيز

5
*********
انسان والعود مقطوف
من يوم بذره
وحرص يا حريص
شبابيك العمر اللى فاتحها
والضحكة الخايفة
تلقحها على شارع
كله بيسند زيك عواجيز
والمشهد كله بيتشكل
وروحك بس اللى
بترقص خلف الكواليس
طول عمر احلامك
تحفرها بايديك .تنزلها
تطلع كوابيس
دنيا المولى لوحده مسيرها
عدل ونواميس
طول عمرك تحلب فى الذكرى
ودفاتر الماضى ووجعها
وكل الكرريس
بتخاف من مشيك
متسند زى العواجيز
بتخاف م الموت
والموت عارفك لو كنت
حريص
مش قابلك خد كل معارفك
قدامك طفى الفوانيس
مغرور..........
بتخاف لو ميل بيك ضهرك
وتخاف لو غير لون شعرك
وتخاف من سنك
وبظنك تعمل عتريس
مع انى المشهد قدامك
والشارع كله بيسند
زيك عواجيز
وحبايب العمر اللى شايلهم
ذكرى ف براويز
والموت وسطيهم يتمخطر
بيفوت ع اليابس والاخضر
ويلخبط كل التداريس
دنيا وابواب الموت
اللى بتفتح من غير متاريس
افهم على فين بتروح منك
ولكام هاتعيش
وعروسة بتسهر تتحنى
والصبح تودع فى عريس
دى حقيقة .....
ولو عاقل يقدر يفهمها
كان تاب ابليس

***********************

ملعون ابو القصيدة

القصيدة
***********
مسفوح دم الكلام
والشاعر غصب عنه
يزرع بيوت ينام
وتلع ميت حريقة
اهو رغى والسلام
ويخش فى كل ضيقة
ينفع سبع وجبان
والشاعر غصب عنه
بيحس بكل غيمة
ويشوفها قبل منك
وساعات يحكى اللى كان
وساعات يتحدى خوفه
ويقوم يلعن نظام
وساعات يمسح كسوفه
ويقوم يمدح نظام
يسترخص مع انى
حاجات بتغلى
ولا ارخص م الكلام
ملعون ابو القصيدة
مسفوح دم الكلام
والشاعر لما هلاس
قالك بنطين لحام
والشاعر لما فلاس
قام يمدح ف النظام
يمشى جنب حيطة
بدعوا الاحترام
ملعون ابو القصيدة
ملعون بحر القوافى
اذا كان هايجيب كلام
ورجيم الشعر عنده
حفاظا ع القوام
من خوفه م المحاكم
يبجل كل حاكم
يضرب تعظيم سلام
مع انه غصب عنه
فى مدحه او فى زمه
ضارب تحت الحزام